講兩單可能Pro我立場，但真實性存疑嘅新聞
首先係呢單傳得好犀利，話美軍同英軍指揮官響阿富汗機場炒大鑊呢單嘢，入面寫到一時又話美軍指揮官堅拒英軍出外拯救難民以免激嬲塔里班，一時又話英軍派人監視美軍有無撤出機場嘅意欲，慎防比佢地賣甩，非常Juicy。
但我搵咗一輪有報呢單新聞嘅媒體，全部都係依靠獨立記者Alex Tiffin呢個單一來源，老實如果真係好似佢講到炒到咁大鑊，我真係好難相信咁耐都仲係得一個記者知；同埋另一個問題則係美軍其實響呢幾日一直有派人出去拯救需要撤離嘅相關人員，美軍有無理由一邊自己救人一邊唔比人救？
同埋稍有Common Sense嘅人都知，歐美各國撤僑航班全部都On Schedule，無個幾禮拜唔會搞得掂，點可能會提早撤軍搞到英軍要派人監視？更加唔駛講撤唔撤軍經已係高層嘅範疇，唔輪到前線指揮官話事。
所以如果要我估，英美軍人之間因為場面混亂而嘈交並唔出奇，但有無個記者吹到咁撚大；呢種茶杯裡的風波亦遠遠未去到國家層級嘅衝突
Search